The Seagull: Please .. كلمني عربي

� Pimp-My-Profile.com

THOUSANDS OF FREE BLOGGER TEMPLATES �

August 03, 2009

Please .. كلمني عربي

12 التعليقات:

dr.lecter said...: اشته جامده مووت
انابقي اللي بيغيظني لغه الفرانكو اراب اللي منتشره علي الفيس بوك والموبليلات

eshta ya man 3aemel eeh?
بالذمه دي لغه يعني لا عربي ولا انجليش
ليه عندنا رغبه في تشويه اي لغه
بجد اووف يعني; August 3, 2009 at 4:04 AM
The Seagull said...: أهلاً يا دكتور :D

الفرانكو اراب ده بيفقعني بجد .. ايه ده مش ممكن .. ما هو يا تكتب إنجليزي يا تكتب عربي .. وفي الآخر كلنا هنفهم برضه والله :D

للأسف اللغة العربية في ضياااااااع وللأسف أكتر كمان ماحدش بقى بيهتم بيها وتلاقي كتاباتنا بالعربي مليانة أخطاء لغوية بشكل بشع بجد :((

حاجة تحزن; August 3, 2009 at 4:30 AM
ســـــاره said...: ههههههههههههههه
جميلة يا يويو والله

بصي انا اعذر اللي ماعندوش كيبورد عربي ويمكن كمان مايعرفش انجلش وممكن المتلقي ثقافته الإنجليزية متواضعه

بس اللي بجد ينرفزني لما شوية يكلمك عربي تمام وشوية فرانكو قال يعني شوف التحضر !! شئ بيبقى مستفز اوووي

بالنسبة بقى لموضوع الإنجلش جوا الكلام ده ففي كلمات اتعودنا عليها وبتبقى انجلش مقبولة اكتر زي مثلا لما قلتلك دلوقتي (كيبورد) ماقلتش ( لوحة المفاتيح) لو قلتها كده هتستغربيها حبتين لأنك ماتعودتيش عليها ولا انا كمان.. بس اني اقولك
هاي يويو
i miss you baby
بجد بجد
my day
كان وحش اوووي من غيرك
plz
ماتغيبيش كتير

ده بقى اللي بيستفزززززني فوق ماتتخيلي ..وعلى فكرة انا كتبتلك الجمل تحت بعض عشان بتتحول لما اكتب انجليزي وعربي جنب بعض :D

عامة يعني انا بطبعي بحب اكتب بالفصحى بس مابتكلمش فصحى طبعا في حياتي والا ده بقى مسلسل الطريق إلى قريش :D; August 3, 2009 at 8:24 AM
Fatma said...: على فكرة
أنا بكره الناس اللي بتتكلم كذا لغة في نفس الجملة ما يحددوا لغة واحدة ويديروا بيها الحوار

على فكرة كمان

أنا بعمل كدا للأسف :( بس لما الواحد بيرغي بيقول الكلمة اللي جات في باله اول واحدة وتعبر عن المعنى اللي يقصده وتيجي زي ماتيجي بقى ولما بحاول اركز بصدع; August 3, 2009 at 12:21 PM
Romaya said...: اكتر صورة غيظاني بجد هي تالت واحدة

والمصيبة ان في كتير من نوعية الامهات دي لا فاهمة ولا عارفه حاجه وقاعدة بس تتمنظر على خلق الله بضناها اللي طور الله في برسيمه وقال معاه لغة قال بلا نيلة

مانتي يا تتكلمي وانتي فاهمه معنى اللي بتقوليه يا تبطلي فشخرة ورغي بقى!; August 3, 2009 at 6:24 PM
Yasmine said...: تالت واحدة دى مستفزة اوى بجد..بس هو عامة عيب المدارس اللى بتعلم لغات على حساب اللغة الام و لغة البلد و عيب الاهالى اللى بيتمنظروا بقدرتهم على دفع 50 ولا 80 الف جنيه لواد طوله شبرين الا ربع و فى الاخر لا بيعرف حاجة عن دينه ولا عن لغة بلده

بس ماله الفرانكو اراب مزعلكو فى ايه :D

انا بشوفه اسهل كتير على فكرة على الاقل فى الsms و الفيس بوك و ال msn
دا حتى مالهمش اسم بالعربى :D; August 3, 2009 at 7:15 PM
mUsLiM said...: تعرفى يا اختى عنوان الموضوع ده فكرنى بايام جميله اوى :)

يعنى هو بيقول كلمنى عربى وبيرجوه علشان يكلمه عربى بالانجليزى

لما كنت فى الكليه وكنت ساكن مع زمايلى فطبعا ولله الحمد نادرا لما تلاقى شاب مصرى حتى لو كان ملتزم ومش بيشتم او بيتسافل الا من رحم ربى

المهم

عموما انا بكره كل انواع الشتيمه مهما كانت فكنت ابقى قاعد مع زمايلى وربنا ما يوريكى شقق الطلبه واللى فيها

ههههه

المهم تلاقى قاموس سفاله مفتوح

ورغم ذلك هما فعلا كانوا بيحترمونى فكانوا بيحاولوا يقللوا او يبطلوا شتيمه وانا موجود

فلما كان واحد منهم يشتم غضب عنه وكده كنت أبرقله جدا وادايق معاه جدا يقوم اللى جنبه يزعق فيه جدا ويقوله

متزعلش الشيخ مصعب يابن كذا وكذا وكذا

اوعى تشتم يابن كذا وكذا قدام الشيخ مصعب

ههههههههههههههههههه

ايام والله

معلش انا اسف انا كتبت حاجه ملهاش اى علاقه بالموضوع بس يمكن انا محتاج اتكلم شويه معلش :)

بالنسبه لموضوع الفزلكه ده فالحقيقه انا مبعرفش اتكلم نص عربى ونص انجليزى

وزمان كنت بدايق جدا من الاسلوب

بس مخبيش عليكى دلوقتى بقيت مش بدايق وبتعامل طبيعى يمكن بسبب الجو اللى انا فيه هنا وتعاملى مع اجانب او عرب ونص كلامهم انجليزى فلو هدايق من كل حد مش هاخلص

فبقيت بستقبل ده بشعور طبيعى وكأن مفيش حاجه

اما الفرانكو

والله هو الفرانكو حلو فى رسايل الموبايل لانه بيوفر وسهل

هههههههههه

بس غير كده مش كويس طبعا

وانا بقترح شركات الموبايل تخلى حروف الرساله فى الموبايل 160 حرف عربى لمحاربة الفرانكو

:))

وانا اسف على الاطاله يا اختى

ويارب تكونى بخير يارب

السلام عليكم; August 3, 2009 at 8:15 PM
The Seagull said...: ســارة

معاكي إنه اللي ماعندوش كيبورد عربي معذور .. بس لا يمكن تتخيلي مدى الإرهاق في قراءة الفرانكو ده .. بيتعبني نفسيًا جد :D

ده لو بيكتب إنجليزي مكسر أو حتى عربي مكسر أرحم من الفرانكو ده بجد

آآه طبعًا في مصطلحات بقت من أساسيات حياتنا زي "كيبورد" اللي انتي قلتيها وراديو وتلفزيون وتليفون وموبايل وإلخ إلخ :D

وجامد أووووي المثال اللي انتي كتبتيه :D; August 3, 2009 at 11:45 PM
The Seagull said...: فنونتي الحلوة

ما هو ده اللي أنا بتكلم فيه .. اللي بيتعمدوا يتكلموا بكذا لغة في الجملة الواحدة .. حدد يا عربي خالص يا إنجليزي خالص يعني :D

أنا مش بقول إني مش بعمل كدة .. بس هي ساعات بتيجي غصبًا عني بجد بطبيعة دراستي وزي ما انتي قولتي لو ركزتي تقوليه أو ما تقوليهوش بتحسي بإرهاق ذهني فظيع .. بس تعرفي بقيت لما أعمل كدة أرزع الكلمة اللي بالإنجليزي ووراها على طول الترجمة بتاعتها بالعربي :D; August 3, 2009 at 11:55 PM
The Seagull said...: مروتي

نوعية الناس دي أنا عارفاها كويس ويا ما الواحد قابلهم في حياته .. يا ساتر .. بس تعرفي أنا بشوفهم كائنات كوميدية والله :D; August 3, 2009 at 11:55 PM
The Seagull said...: ياسمينة الجميلة

العيب في النظــام :D
لا طبعًا عندك حق في كل اللي قلتيه

أما حكاية الفرانكو ده فعملية مستفزة أوي بصراحة :D .. بس زي ما قلتي لو كان اسم مشهور ومالوش ترجمة في العربي فده مافيش مشاكل من استخدامه لأنه بقى شيء متعارف عليه خلاص .. حتى احنا في الترجمة بنعمل كدة :D

الفرانكو يمكن الميزة اللي فيه فعلاً كتابة الرسايل sms .. بيوفر كتيييير أووي .. وإن كنت بفضل الكتابة تكون إنجليزي وش يعني :D; August 4, 2009 at 12:02 AM
The Seagull said...: مصعب

لا مافيش مشاكل ارغي براحتك :D

هو فعلاً الموضوع بقى صعب السيطرة عليه حاليًا بسبب الدراسة أو الشغل أو ما شابه يعني خصوصـًا لو زي ما قلت بتتعامل مع جنسيات كتير :))

أم الفرانكو ده فهو ميزته الوحيدة إنه بيوفر في sms :D; August 4, 2009 at 12:24 AM

Subscribe to: Post Comments (Atom)